Сонца яркае ўстае, на кірмаш народ ідзе.

Надышоў вясёлый час, завітаў "Кірмаш" да нас!

У  нашым дашкольным цэнтры развіцця дзіцяці прайшло свята “Восеньскі кiрмаш”. Свята атрымалася вельмі вясёлым, яркім і пазнавальным. Упрыгожанне музычнай залы адпавядала назве свята: дэкарацыі з выкарыстаннем беларускага арнаменту; вялікая колькасць рушнікоў, гліняных, ільняных і саламяных вырабаў. Выхаванцы з задавальненнем адгадвалі загадкі, чыталі вершы і спявалі на роднай мове песні, гралі на беларускіх музычных інструментах, спаборнічалі ў зборы ўраджаю! Не меншае захапленне усіх удзельнікаў свята выклікалі госці кірмаша. На свята завітала гаспадыня восеньскага кірмашу - залатая чараўніца Восень. Наша зямля беларуская вельмі шчодрая, а людзі працавітыя, таму у нас і танцы, і песні такія прыгожыя. Было вельмі прыемна бачыць натхнёныя твары маленькіх беларусаў, іх зацікаўленасць да гісторыі нашай краіны і яе традыцый.